കാത്തിരിപ്പുകള്‍
പകലാം താംബൂലം
മുറുക്കി ചുവന്ന സന്ധ്യ
പടിഞ്ഞാറ് വാനില്‍
നീട്ടി തുപ്പുന്നു....!!
എണ്ണയും കുഴമ്പുമേറെ
പുരണ്ടിട്ടും
കാലു കുഴഞ്ഞൊരു
മരകട്ടിലിപ്പോഴും
ദുരിതം പേറുന്നു...!!
ജീവിത സായാഹ്നത്തി-
ലേകനായൊരു ചാരുകസേര
കിഴക്കെക്കോലായില്‍
മോക്ഷം തിരയുന്നു...!!
മൂന്നാം കാലായി നടന്നഗ്രം
തേഞ്ഞൊരു കാലന്‍ കുട
ഉമ്മറത്തിണ്ണയില്‍
കാവലിരിക്കുന്നു...!!
രാമായാത്ത
പൂജാ മുറിയിലൊരു
രാമായണം മോക്ഷകാണ്ഡം
തേടി താളുമറിക്കുന്നു..!!
കാത്ത് കാത്ത് കണ്ണുപൂത്ത
വാല്‍ ക്കിണ്ടി
ചവുട്ട് പടിയില്‍
സ്വയം കാലുകഴുകുന്നു..!!
തെക്കേ തൊടിയി-
ലക്ഷമനായൊരു
വൃദ്ധന്‍ മാവിപ്പോഴും
പച്ചകാക്കുന്നു..!!
ഒറ്റപ്പെടലിന്റെ
തേങ്ങലടക്കി
ആറടിമണ്ണ്
അവകാശിയെ തേടുന്നു..!!
തൊണ്ടയില്‍ കുരുങ്ങിയ
കൂവലൊഴിക്കുവാന്‍
കാലന്‍ കോഴി
കൊക്ക് കുടയുന്നു..!!
കരവിളിയും
കാതോര്‍ത്തൊരു
ബലിക്കാക്ക കൂട്ടിലു-
റക്കമിളയ്ക്കുന്നു..!!
കാത്തിരിപ്പിന്‍ കദന-
മറിയാതിപ്പോഴും
ചിത്രഗുപ്തന്‍
കണക്കുകള്‍ തിരയുന്നു..!!
ജഗദീഷ് കോവളം
പകലാം താംബൂലം
മുറുക്കി ചുവന്ന സന്ധ്യ
പടിഞ്ഞാറ് വാനില്‍
നീട്ടി തുപ്പുന്നു....!!
എണ്ണയും കുഴമ്പുമേറെ
പുരണ്ടിട്ടും
കാലു കുഴഞ്ഞൊരു
മരകട്ടിലിപ്പോഴും
ദുരിതം പേറുന്നു...!!
ജീവിത സായാഹ്നത്തി-
ലേകനായൊരു ചാരുകസേര
കിഴക്കെക്കോലായില്‍
മോക്ഷം തിരയുന്നു...!!
മൂന്നാം കാലായി നടന്നഗ്രം
തേഞ്ഞൊരു കാലന്‍ കുട
ഉമ്മറത്തിണ്ണയില്‍
കാവലിരിക്കുന്നു...!!
രാമായാത്ത
പൂജാ മുറിയിലൊരു
രാമായണം മോക്ഷകാണ്ഡം
തേടി താളുമറിക്കുന്നു..!!
കാത്ത് കാത്ത് കണ്ണുപൂത്ത
വാല്‍ ക്കിണ്ടി
ചവുട്ട് പടിയില്‍
സ്വയം കാലുകഴുകുന്നു..!!
തെക്കേ തൊടിയി-
ലക്ഷമനായൊരു
വൃദ്ധന്‍ മാവിപ്പോഴും
പച്ചകാക്കുന്നു..!!
ഒറ്റപ്പെടലിന്റെ
തേങ്ങലടക്കി
ആറടിമണ്ണ്
അവകാശിയെ തേടുന്നു..!!
തൊണ്ടയില്‍ കുരുങ്ങിയ
കൂവലൊഴിക്കുവാന്‍
കാലന്‍ കോഴി
കൊക്ക് കുടയുന്നു..!!
കരവിളിയും
കാതോര്‍ത്തൊരു
ബലിക്കാക്ക കൂട്ടിലു-
റക്കമിളയ്ക്കുന്നു..!!
കാത്തിരിപ്പിന്‍ കദന-
മറിയാതിപ്പോഴും
ചിത്രഗുപ്തന്‍
കണക്കുകള്‍ തിരയുന്നു..!!
ജഗദീഷ് കോവളം
