"ഇനിയും ആമി പറയട്ടെ"
എനിക്കിനിയുമേറെ
പറയാനുണ്ടായിരുന്നു...
കാതടച്ചു... നിങ്ങളെന്നെ..
കറുപ്പുടുത്ത കാരണത്താല്‍...
കാഫിറാക്കി പുറംതള്ളി..
പടിയടച്ചവര്‍ പിണ്ഡമുട്ടി ..
അക്ഷരങ്ങളും അന്യമാക്കി..
അരുംകൊല ചെയ്തില്ലേ നിങ്ങള്‍..?
കറുത്ത പര്‍ദ്ദക്കുള്ളിലെന്‍
തുടുത്ത മനം തേങ്ങിയതും
നീര്‍മാതള മൊട്ടുകള്‍ മുളയിലെ
കരിഞ്ഞതും കണ്ടു നീ കണ്ണടച്ചു..!!
തളിരണിഞ്ഞ നീര്‍മാതള ചില്ലതന്നില്‍ നീ
കരിമ്പട്ടു പുതച്ചപ്പോള്‍ കരുതി ഞാന്‍
തണലേകുവാനാകുമെന്ന് ...!!
ശ്വാസമമര്‍ത്തി കൊല്ലുമെന്ന്
നിനച്ചതില്ല ഞാന്‍ സഖേ....
'സമദാനം' ചെയ്യാമെന്ന വാഗ്ദാനത്തില്‍
സര്‍വ്വവും ദാനമായേകിയില്ലേ...
എന്നിട്ടുമെന്തിനീ മാതള മലരിനെ
മണ്ണിതിന്‍ മാറില്‍ വലിച്ചെറിഞ്ഞു..?
മനം നിറഞൊഴുകിയ പ്രണയ പ്രവാഹത്തെ
മതത്തിന്‍ മതിലാല്‍ തടുത്തതെന്തേ....?
കഥകള്‍ വിടര്‍ന്നോരെന്‍ മലര്‍വാടി നീ..
തുറക്കാ താഴിട്ടടച്ചതെന്തേ ... ?
ജഗദീഷ് കോവളം
എനിക്കിനിയുമേറെ
പറയാനുണ്ടായിരുന്നു...
കാതടച്ചു... നിങ്ങളെന്നെ..
കറുപ്പുടുത്ത കാരണത്താല്‍...
കാഫിറാക്കി പുറംതള്ളി..
പടിയടച്ചവര്‍ പിണ്ഡമുട്ടി ..
അക്ഷരങ്ങളും അന്യമാക്കി..
അരുംകൊല ചെയ്തില്ലേ നിങ്ങള്‍..?
കറുത്ത പര്‍ദ്ദക്കുള്ളിലെന്‍
തുടുത്ത മനം തേങ്ങിയതും
നീര്‍മാതള മൊട്ടുകള്‍ മുളയിലെ
കരിഞ്ഞതും കണ്ടു നീ കണ്ണടച്ചു..!!
തളിരണിഞ്ഞ നീര്‍മാതള ചില്ലതന്നില്‍ നീ
കരിമ്പട്ടു പുതച്ചപ്പോള്‍ കരുതി ഞാന്‍
തണലേകുവാനാകുമെന്ന് ...!!
ശ്വാസമമര്‍ത്തി കൊല്ലുമെന്ന്
നിനച്ചതില്ല ഞാന്‍ സഖേ....
'സമദാനം' ചെയ്യാമെന്ന വാഗ്ദാനത്തില്‍
സര്‍വ്വവും ദാനമായേകിയില്ലേ...
എന്നിട്ടുമെന്തിനീ മാതള മലരിനെ
മണ്ണിതിന്‍ മാറില്‍ വലിച്ചെറിഞ്ഞു..?
മനം നിറഞൊഴുകിയ പ്രണയ പ്രവാഹത്തെ
മതത്തിന്‍ മതിലാല്‍ തടുത്തതെന്തേ....?
കഥകള്‍ വിടര്‍ന്നോരെന്‍ മലര്‍വാടി നീ..
തുറക്കാ താഴിട്ടടച്ചതെന്തേ ... ?
ജഗദീഷ് കോവളം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ