"നീലിച്ച ഹൃദയങ്ങള്‍"
അഭിനവ പ്രണയം
പൂത്ത വഴികളിലൂടെ
തിരിഞ്ഞു നടക്കുമ്പോള്‍...
"മധു ചൊരിഞ്ഞ മലരുകളില്‍
കറയൊലിക്കുന്നു...
വഴിനീളെ തേങ്ങലുകള്‍
അനാഥത്വം പേറുന്നു....
ചതഞ്ഞരഞ്ഞ പൂക്കള്‍ക്ക്
ശവം നാറി ഗന്ധം...
ദുര്‍ഘടമാം പാതകളില്‍
വര്‍ണ്ണമകന്ന വളപ്പൊട്ടുകള്‍
വാഗ്ദാനങ്ങളും, പ്രലോഭനങ്ങളും
ചൂടാറിയ ചുംബനക്കൂനകളും
അഴുകി നീരൊലിക്കുന്നു...
കാമക്കനലുകളിനിയും
അണയാതെ പുകയുതിര്‍ക്കുന്നു..
ഗര്‍ഭ നിരോധന ഉറകളനേകം
ശവപ്പെട്ടിതന്‍ ധര്‍മ്മം പേറുന്നു...
പ്രണയ രക്തസാക്ഷികളാമാണും
പെണ്ണും അതിലുറങ്ങുന്നു...
ഉപേക്ഷിക്കപ്പെട്ട നിലയില്‍
വിഷംതുപ്പി നീലിച്ച രണ്ടു
ഹൃദയങ്ങളും......"
ജഗദീഷ് കോവളം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ