അരുത് മീരാ....

അരുത് മീരാ....

അരുത് മീരാ.....
നിന്‍ ഭക്തി ലഹരി
ഇനിയും അരുത് മീരാ...

പ്റേമത്തിന്നുപരിയായ് 
നീപൂകും ഭക്തിതന്‍  
ഉന്മാദമണയുവാ-
നൊരുവേള രാധയ്ക്കും
തോന്നിയാലോ..

ആകയാലരുത് മീരാ..
നിന്‍ ഭക്തി ലഹരി
ഇനിയുമരുത് മീരാ..
   
മുപ്പത്തിമുക്കോടി 
മതിവരാതിന്നിന്റെ 
മര്‍ത്യരുന്‍മത്തരായീ-
ശ്വര സൃഷ്ടി നടത്തിടവേ..  

ഭക്തിയും വില്‍ക്കുവാ-
നൂഴിയിലായിരം മര്‍ത്യ- 
ജന്‍മങ്ങളുഴറീടവേ..

പ്റേമത്തിന്‍ നാമ്പുകള്‍  
വിടരാതെ മുളയിലേ
വാടിക്കരിഞ്ഞു 
കൊഴിഞ്ഞു വീഴ്കെ..

പ്റേമം തളിര്‍ത്തോരു-
വാടികളിലെമ്പാടും       
ഭക്തിമലരുകളിതള്‍വിടര്‍ത്തേ...

കലികാല ജന്മങ്ങളെനിക്കു ചുറ്റും   
കപട ഭക്തരായ് തൊഴുതു നില്‍ക്കേ..

പ്രേമത്തിന്നുപരിയായ് ഭക്തിയെ 
പുല്‍കുവാനൊരുവേള രാധയ്ക്കും
തോന്നിയാലൊ ..!! 

ആകയാലരുത് മീരാ..
നിന്‍ ഭക്തി ലഹരിയിനിയും..
അരുത് മീരാ.....       

ജഗദീഷ് കോവളം