നീയെനിയ്ക്കാരാണ്...?

നീയെനിയ്ക്കാരാണ്...?
നീയെനിയ്ക്കാരാണ് ....?
അന്യയല്ല....!!!
എനിക്ക് വശംവദയാകാന്‍...
നീയെന്നടിമയാണോ...?
വിശപ്പും, ദാഹവുമകറ്റും...
നീയെന്നന്നമാണോ...?
എന്നെ ഉത്തേജിപ്പിക്കും...
നീയെന്‍ കാമിനിയൊ...?
എന്നുള്ളറിയും...
നീയെന്നമ്മയാണോ...?
നീയെനിയ്ക്കാരാണ് ....?
അന്യയല്ല....!!!
എന്‍നോവ് കടംകൊള്ളും....
നീയെന്‍ പ്രണയിനിയോ.. .
എന്നെ അനുസരിക്കും...
നീയെന്‍ മകളാണോ...?
എന്നെ അനുനയിപ്പിക്കും....
നീയെന്‍ പ്രിയ സ്നേഹിതയൊ...?
എന്നില്‍ പ്രതീക്ഷ ചൊരിയും..
നീയെന്‍ ദേവതയോ....?
എന്നെ ഞാനാക്കിയ...
നീയെന്‍ സൃഷ്ടി കര്‍ത്താവോ....?
എന്നെ ചേര്‍ത്തണയ്ക്കും....
നീയെന്നുടപ്പിറപ്പോ.....?
നീയെനിയ്ക്കാരാണ് ....?
അന്യയല്ല....!!!
ഏകാന്തതകളിലെന്നിലണയും... 
നീയൊരു സ്വര്‍ലോക മാലാഖയോ...?
ചിന്തകളിലഗ്നി പകരും...
നീയെന്‍ ശുഭപ്രതീക്ഷയാണോ...?
ചിത്തത്തില്‍ ചലനങ്ങള്‍ സൃഷ്ടിക്കും..
പ്രിയേ നീയെന്‍ ശത്രുവാണോ....?
ചിത്തത്തില്‍ പൊടിയുമാ നിണം തുടയ്ക്കും...
അഴകേ നീ സിദ്ധലേപനമോ.....?
നീയെനിയ്ക്കാരാണ് ....?
കവിതേ.... 
നീയെനിക്കന്യയല്ല....!!!

ജഗദീഷ് കോവളം