അഭിനവകാലനപേക്ഷ ക്ഷണിക്കുന്നു..!!

അഭിനവകാലനപേക്ഷ ക്ഷണിക്കുന്നു..!! 

കൊല്ലാന്‍ വന്നാലും 
നിങ്ങള്‍.... 
കൊല്ലാന്‍ വന്നാലും ...
കൊലക്കു കൂലി കൂട്ടി 
ക്ഷണിപ്പത്  നീതിപീഠം..!!

കാലാന്തരത്തില്‍ നീ ..
കാലനായ് മാറൂ...!!
കാലനാനുകൂല്യങ്ങ-
ളിന്നേറെയല്ലോ ....!!

കൂലിയും പെന്‍ഷനും
പ്രോവിടന്ട്ട്  ഫന്ടുമായ്‌...
അഭിനവ കാലനപേക്ഷ-
ക്ഷണിക്കുന്നു...!!

കാലനാവാനിപ്പോള-
പേക്ഷിക്കാം...!!
"ആരാച്ചാരെന്ന" തസ്തികയില്‍..!!
കായികക്ഷമത പരീക്ഷണത്തില്‍ ജാതി-
സംവരണം കാലനുമുന്റാവും..!! 

മുന്‍ പരിചയമഭികാമ്യമാകും...!!
എഴുത്തു പരീക്ഷയില്ല...!!
കുരുക്കിടാനറിഞ്ഞിരിക്കണം..!!

നായര്‍ക്കും നമ്പൂരിക്കും 
പുലയനും പറയനുമപേക്ഷിക്കാം...!!
നിയമനം നേടിയാല്‍ 
മുന്നോക്കക്കാലനില്ല ..
പിന്നോക്കക്കാലനും ... !!

സ്ഥിതി സമത്വത്തില്‍ 
വെറും കാലന്‍ മാത്രം....!! നീ.... 
വെറും കാലന്‍ മാത്രം ..!!  

കാലത്തിന്‍ കണക്കെഴുത്തും 
ചിത്രഗുപ്തനും നിനക്കന്യര്‍..!!
കണ്ണ്കെട്ടിയ വിധിയിന്‍ 
വഴിക്കുനീ ഗമിക്ക ....!!

പോത്തിന്‍ പുറമേറന്ടയെന്നാലും 
കാലപാശം ചമച്ചീടണം നീ...!!

*ഉദാര നിയമനമെന്നിരിക്കിലും 
അപേക്ഷകര്‍ വിരളമത്രേ ...!!

"വെട്ടത്തില്‍ കൊല്ലാനാവില്ലയെന്നതും 
കൊലപാതകിപ്പട്ടം കിട്ടില്ലയെന്നതും"
ന്യൂനതാ പട്ടികയിലിടം തേടിയെന്നും 
കൊല്ലുന്നതല്ല , ചാവുന്നതാണിന്നിന്‍-
ട്രെന്റെന്നും പറഞ്ഞൊഴിയുന്നപേക്ഷകര്‍...!!! 

ജഗദീഷ് കോവളം

ശില്പി

  ശില്പി 

സൃഷ്ടിയാം ഞാനിന്ന് സൃഷ്ടി കര്‍ത്താവിന്റെ-
സൃഷ്ടിയിലാണ്....!!

മരക്കുരിശേന്തിയ സൃഷ്ടാവിനെ കഠിനമാം 
കരിങ്കല്ലിലാവാഹിക്കട്ടെ ഞാന്‍..!!

ഒരുവട്ടം ക്രൂശിതനായ തമ്പുരാനെ നിന്നെ- 
ഒട്ടേറെ വട്ടം കുരിശ്ശേറ്റിയോന്‍  ഞാന്‍..!!

ഇന്ന് ഞാന്‍ നിന്നെ കരിങ്കല്‍ കുരിശ്ശില്‍  
തറക്കുംപോഴും നീയെന്നില്‍ കൃപ ചൊരിയേണമേ...!!

നീ പേറിയതിലുമേറെ വലുപ്പമുള്ള, കാഠിന്യമുള്ളൊരു 
കരിങ്കല്‍ കുരിശു നിനക്കായ്‌ സൃഷ്ടിക്കുന്നു ഞാന്‍..!!

ഏറുവാന്‍  നീ അശക്തനെന്നറികിലും 
ഏറ്റുവാന്‍ ഞാന്‍ ശക്തനാണീശോയേ .....!!

കരിങ്കല്ല് കൂര്‍പ്പിചഞ്ചാണിയുന്ടാക്കണം 
നിന്നിടനെഞ്ച് തുളയ്ക്കുവാന്‍ മൂര്‍ഛയുള്ളവ ...!!

ദൈന്യത നിന്‍  മുഖത്തേറ്റ മേറ്റിയെന്‍ 
കഴിവ് തെളിയിക്കണം...!!

നിന്‍ ചുമലിലൊരല്പനേരം ചവുട്ടി നില്‍ക്കും ഞാന്‍ 
കുരിശ്ശിന്‍ മകുടത്തിന്നു മിഴിവ് നല്‍കാന്‍..!!

നിന്ടെ കണ്ണ് കൊത്താന്‍ ഉളിയെടുക്കും മുന്‍-
പൊന്നു കുമ്പസരിക്കും ഞാന്‍...!!

എന്റെ സൃഷ്ടി ഒരുവേള  
നിനക്കാറാം തിരുമുറിവായാലോ...!! 

പിന്നെ നിന്ടെ മുന്നില്‍ ഒരു മെഴുകുതിരി 
തെളിയിച്ച്‌  നിന്നോടപേക്ഷിക്കണം..!!
   
എന്റെ സൃഷ്ടിക്ക് നിന്റെ 
സൃഷ്ടികള്‍ തന്നംഗീകാരത്തിനായ് ..!!


ജഗദീഷ് കോവളം  

"പാഠം ഒന്ന് ജീവിതം"

   "പാഠം ഒന്ന് ജീവിതം"  

ഊര്‍ജ്ജ തന്ത്രവും രസ തന്ത്രവും 
ഹൃദിസ്ഥ മാക്കിയെന്നാകിലും 
ജീവതന്ത്രത്തിനു മുതല്‍ക്കൂട്ടിന്നും 
വെറും കുതന്ത്രങ്ങള്‍ മാത്രം .. !!

ലസാഗുവും ഉസാഗയും ഫലിച്ചില്ല 
കൂട്ടിയും കുറച്ചും ഗുണിച്ചും ഹരിച്ചും
നോക്കിയിട്ടും ജീവിതക്കണക്കു-
കള്‍ക്കിപ്പോഴും പിഴവുതന്നെ ...!!

കാകളിയും, മഞ്ജരിയും, കേകയും
ഉപമയും ഉല്‍പ്രേക്ഷയും 
മണിപ്രവാളവും ജീവിത ഗാനത്തിനു 
മധുരമേകിയില്ല...!!

ജീവശാസ്തരവും, ഭൂമിശാസ്ത്രവും
സത്യമെന്നിരിക്കിലുമെന്‍ 
ഭൂമിയിലെ ജീവിതത്തിന്‍ പ്രത്യയ-
ശാസ്ത്രമെനിക്കന്യമിന്നും....!!

ആശാനും ഉള്ളൂരും വള്ളത്തോളുമെഴുതി- 
യതോക്കെയും പഠിപ്പിച്ചുവെന്നാകിലും
നാവിന്‍ തുംപിലിപ്പോഴും മൂളാനെ-
ങ്ങും പഠിക്കാത്തത "ജാസി"തന്‍ ഗിഫ്റ്റ് മാത്രം..!!

"ആഖിലാണ്ഡ മണ്ഡലത്തിലെ ചന്തമേറിയ പൂവുകള്‍" 
വെറും ബിംബങ്ങളായപ്പോള്‍ ദ്രിഡ-
പ്രതിജ്ഞയും ലംഘിച്ചിന്ത്യാക്കാരിയാം 
സഹോദരിയെ മണവാട്ടിയുമാക്കി  ...!!

          ജഗദീഷ് കോവളം